Misskilningur varðandi Tazer

Það er skelfilegt að þetta hafi komið fyrir og eftir að hafa séð myndbandið er ljóst að lögreglumennirnir reyndu ekki mikið að tala við manninn.  Við getum líka velt því fyrir okkur hvort lögreglan hafi ekki verið komin á staðinn vegna þess að ekkert gekk að eiga við manninn, það voru jú öryggisverðir á svæðinu og almennir borgarar búnir að reyna að ræða við hann án árangurs.  Ég var ekki þarna og veit ekki hvernig málið var en ég get ímyndað mér að lögreglan hafi verið kölluð til því ekkert gekk fyrir öryggisverðina að ræða við manninn.

Ég er búin að vera að lesa bloggfærslur hérna frá ýmsum sérfræðingum og m.a. einum sem kynnir sig sem rafvirkja.  Þessi tala 50.000 volt hljómar skelfilega, ég meina við erum einungis með 240 volt á heimilum okkar.  Það sem hingað til hefur ekki fylgt sögunni er að voltatalan skiptir engu máli í þessu samhengi.  Húsarafmagnið er hættulegra því þar er meiri straumur í boði, fleiri Amper semsagt.

Það þarf um það bil 100mA (milli Amper) til að drepa mann.  Í rafmagnstöflum í húsum eru aldrei minni en 10A öryggi.  Tazer stuðbyssa gefur 2,1mA,  2,1% af því sem þarf til að drepa mann.  Það er því ekki svo auðvelt að drepa mann með þessu vopni þó að það sé alveg örugglega hægt ef menn mundu reyna eða ef fólk er veikt fyrir.

Framleiðendur Tazer hafa í Bandaríkjunum margsinnis verið dregnir fyrir dómstóla vegna dauðsfalla tengdum Tazerbyssunum.  Það hefur aldrei verið sýnt fram á það að Tazer hafi valdið dauða þannig að þeir hafa aldrei verið sakfelldir.

Það er rosalega auðvelt fyrir fréttamiðla að segja "svona margir hafa dáið vegna notkunar á Tazer á þessu ári" en hvar kemur það fram?  Menn hafa margsinnis látist í höndunum á lögreglu, meira að segja hér á landi.  Þetta er skelfileg staðreynd en staðreynd engu að síður.  Oftast þegar lögreglan er farin að hafa afskipti af mönnum sem ekki vilja láta hafa afskipti af sér þá þarf að beita valdi.  Hvort sem valdið er fantabrögð, kylfur, táragas eða eitthvað annað.  Það þarf anga snillinga til að sjá að menn geta auðveldlega slasast þegar eitthvað af þessu er notað.  T.d. við það eina að snúa upp á hendur á mönnum til að setja þá í handjárn hefur valdið handleggsbroti því menn hætta að sjálfsögðu ekkert að brjótast um.

Það er því ljóst að það er alveg sama hvað lögreglan notar og í hvaða tilfellum.  Alltaf á bloggheimurinn eftir að kvarta yfir lögregluofbeldi, valdníðslu, valdhroka og öllu sem því viðkemur.

Menn ráðast á lögreglu, lögreglan ver sig, menn kæra lögreglu fyrir lögregluofbeldi, Ríkissaksóknari lætur málið falla niður, fólk verður brjálað út í lögregluna þar sem það þýðir ekkert að kæra hana.

Þetta er oftast ástæða þess að mál gegn lögreglu falla niður.  Hvað um mennina sem réðust að lögreglu fyrir það fyrsta?  Jú ef þeir fá dóm er hann oftar en ekki mánuður í skilorð eða eitthvað álíka gáfulegt.

 

Eitt í lokin.  Þetta mál í Kanada hefði ekki þurft að fara svona.  Eins og réttilega hefur komið fram voru þeir fjórir og hafði örugglega ráðið við hann án notkunar á Tazer.  Við vitum hins vegar ekkert um málið annað sem það sem sést í myndbandinu og það sem fréttir segja.  Hvað segja starfsfyrirmæli þeirra?  Kannski mega þeir ekki fara í átök nema beinlínis sé ráðist á þá, kannski er Tazer fyrsta skrefið hjá þeim ef menn hlíða ekki fyrirmælum (asnalegt en hvað vitum við?), kannski svo margt annað.  Mín skoðun er sú að þetta þurfti ekki að koma fyrir, það var hægt að gera þetta öðruvísi.  Kannski hefðum við þá séð fyrirsagnir eins og "maður handleggsbrotnaði eftir að hafa verið slegin með kylfu" en maðurinn hefði allavega verið á lífi.

Maður lést í Kanada þegar lögreglumenn skutu hann með rafstuðbyssu

Athugasemdir

[Atli Hermannsson., 16.11.2007 kl. 15:24]

Þakka fyrir tölfræðina. En hver veit hver er veikur fyrir rafnagnshöggi eins og þessu. þá er vitað að bæði menn ogt býr geta drepist í ofsahræðslu einni saman. Hvað það er í amperum veit ég ekki, en þætti fróðleg að vita það. Þá væri til samanburðr einnig fróðlegt að fá að vita hvað spennan og amperin eru mörg í tækjunum sem læknar nota til að koma mönnum í gang úr hjartastoppi?

[Vendetta, 17.11.2007 kl. 18:16]

Pólverjinn í Vancouver var ekki að ráðast á neinn. Löggan notaði Tazer á hann, svo að hann féll í gólfið, og svo er það gert aftur, og það veldur dauða hans. Síðan er líkinu haldið niðri með hné lögreglumanns á hálsi Pólverjans. Þetta er hreint ofbeldi af hálfu manna sem aldrei hefði átt að fá að starfa sem lögregluþjónar.

"Immigration officers" og löggur á flugvöllum í Kanada eru víðfrægir fyrir kynþáttahatur og hörku gegn útlendingum. Þetta manndráp kemur mér ekkert á óvart. Ekki er ástandið betra i USA, þar sem 284 manns hafa verið drepnir með Tazer. 

[Gullvagninn (IP-tala skráð) 17.11.2007 kl. 20:29]

Það er svo þægilegt fyrir lata lögreglumenn að nota bara taserinn - pain compliance er svo fljótlegt, frekar en að röfla við hálfruglað og hundleiðinlegt fólk, bara skjóta í það og njóta þess að sjá það liggja í krampa í jörðinni, flestir hlýða fljótlega.

En í alvöru talað, ég vil frekar alvöru skotvopn handa lögreglunni en þetta ógeð, einmitt útaf þessu.  Þetta er notað miskunarlaust í Kanadíu og Bandaríkjunum, þetta eru pyntingar, ekkert annað og ætti aldrei að samþykkja.